可能又要重頭黎過啦!!

逾期繳交學費者, 當自動退學處理!!
就係因為遲2個月無交學費,我正式比演藝踢左出校!!!
今日我去左演藝度問d人, 我得唔得補交d學費繼續學, 點知.....
''吓,交學費已經係2個月前ge事黎ka啦喎?!''
''但係我真係好想學番bo!!!''
''如果你2月頭黎仲可以補番封信, 你就可以交番錢繼續學lo!''
''咁e+點啊?''
''無計ka啦, 一就係你明年再黎過lo, 再讀過li一級lo!''
''吓, 咁咪好浪費時間lo, 就係因為遲交2個月就要浪費成年?''
''咁無計ka啦, 咪當買個教訓lo!!''
''咁仲有無得救啊?''
''um....都有ge, 只要你下年再黎報番名,咁你就報試唱練耳2級, 如果考試你pass到1級d野ge話, 咪可以繼續讀2級lo, 如果pass唔到, 咁就要讀番一級ka啦!! na, e+你補番張退學信先啦!!''

原來都唔係完全希望ge, 只不過我要自己學1級d野ja ma!!!
then我番到屋企喊晒咁同我媽媽講, 佢都話e+咁樣都幾好, then就同姑姐講, 點知佢仲話我:''你唔好同我丟架啦!!'' 喂大姐啊, e+有叫你出錢咩, 唔洗咁講野啊!戈陣超想推佢落街lo!!
總之e+望我考試戈陣識1級d野啦, 咁我就可以繼續讀2級, 可能繼續同佢一班tim~~ 呵呵